Завршија СВП: Траен мост на пријателство и соработка на луѓето без предрасуди

31/08/2020 18:15
Со традиционалното поетско читање “Мостови” синоќа завршија 59-те Струшки вечери на поезијата.
Почитувајќи ги протоколите за одржување на културни настани, СВП преку скратено и хибридно издание, и во вакви услови успеа да го одржи континуитетот на најстар поетски фестивал во светот.
Годинешниот добитник, израелскиот поет Амир Ор
Годинашен добитник на Златниот венец на поезијата е израелскиот поет Амир Ор.
Најпрестижното национално поетеско признание “Браќа Миладиновци” го доби 24- годишната Ива Дамјановски за книгата “Двоумење”. Таа е и најмладиот добитник на оваа награда досега.
Наградата “Мостови на Струга”, што СВП ја доделува во соработка за УНЕСКО за најдобро дебитантско остварување ја доби Мартина Стракова од Словачка.
Наградата “Стојан Христов” за најдобар поет од дијаспората ја доби Тања Кармзова Костиглоа од Франција. Признанието го доделува СВП во соработка со Агенцијата за иселеништво.

Генералниот секретар на Светската академија на поезијата, при УНЕСКО, Лаура Троиси спречена, поради откажаните летови,  во неможност лично да присуствува на Струшките вечери на поезијата, испрати своја порака во која упати честитки за одржувањето на 59-от Меѓународен фестивал на поезијата. 

Обраќајќи му се на директорот Тодорче Тасевски, Троиси, во име на институцијата и почесниот претседател Мохамед Надир Азиза, таа упати честитки за напорите за одржување на фестивалот и покрај спефицичните услови поради пандемијата на Ковид-19.

Со овој, пред сè, корисен чин, продолжувате со континуитетот на еден од најважните собири на поетите во светот, признат од УНЕСКО и другите институции за заштита на светското и европското културно наследство. „Струшките вечери на поезијата“, со нивниот концепт и намери, одамна не се само препознатлив културен феномен, промоција на културата и јазикот, условно кажано, на  малите нации, туку и траен мост на пријателство и соработка на луѓето без предрасуди и ограничувања. Заедно со просторот во кој се одржуваат, богатото историско и културно наследство, „Струшките вечери на поезијата“ се најдобриот амбасадор на културата, гостопримството и креативниот дух на македонскиот народ. Упатувам најдобри желби за целосен успех на фестивалот, порача Троиси.

Поврзани содржини

Велигденски концерт на „Танец“ во НОБ
Промоција на книгата раскази „Скарбо“ од Јадранка Владова на Филолошкиот факултет на УКИМ
Протест на вработените во културните институции поради неисплаќање на мартовската плата
Прво изложување на македонски предисториски предмети во Канада
Во виртуелниот свет го нема овој опоен мирис на книгата, рече Костадиновска-Стојчевска на отворањето на Саемот (фото)
Разговор со хрватскиот писател Маринко Кошчец на Саемот на книгата
Светска премиера на „Киука-пред летото да заврши“ во Кан – филмот е копродукција помеѓу Грција и Македонија
Денес се отвара македонскиот павилјон на 60. Венециско биенале со проектот „Помеѓу надеж и страв“

Најчитани