Засега не е на дневен ред оставка на Борисов, тврди бугарската министерка за социјала

Бугарија – Прашањето за оставка на Борисов не е на дневен ред. Тоа го изјави бугарската министерка за социјални работи Деница Сачева за БТВ.

– Сите опции се дискутираат, но ние мора да бидеме водени од друга цел. Така, Сачева одговори на прашањето дали се разговара за експертски кабинет.

– Основната работа не треба да биде оставка, туку она што е корисно за секого – дебата за промени во Уставот, изборен законик што гарантира демократски избори, ажурирање на буџетот, додаде Сачева.

Денеска ќе бидат одржани 59-ти по ред протести во Бугарија со барање за оставка на премиерот Бојко Борисов и на главниот обвинител Иван Гешев.