Заразени 11 здравствени работници во Градската болница „8 Септември“
Сѐ уште во тек се епидемиолошки анализи кои треба да покажат како вирусот се проширил помеѓу медицинскиот персонал во оваа болница.
Инаку оваа установа е единствениот Ковид центар во државата каде се прави тријажа на сите пациенти кои што влегуваат во болницата.
Директорот на болницата, доктор Кристијан Костов сепак тврди дека повеќето од медицинскиот персонал не се заразил внатре во болницата.
„Процентот дека се заразени надвор од болницата е многу висок. Три месеци немавме ниту еден заразен и сега наеднаш 10. Сите се добро опремени, а сега имаат уште подобра заштитна опрема. Слободно можам да потврдам дека повеќето се заразиле надвор од работното место – вели доктор Костов.
Раководителката на Инфективното одделение во Градската болница се обрати до сите оние граѓани кои не ги почитуваат мерките.
„Со вашите теории на заговор убијте го целиот персонал, па со вашите теории на заговор ќе се лечите сами“, вели инфектологот Каламарас.