Заради три тетоважи на Путин: Откажан настапот на балетанот Полунин во Милано

Италија– Tеатарот „Арчимболди“ во Милано го откажал настапот на балетанoт Сергеј Полунин, кој има три тетоважи на рускиот претседател Владимир Путин.

Тој требало да настапи во овој театар на 28. и 29. јануари, а на веб-страницата на театарот објавија дека решиле да ја откажат неговата изведба на балетот по бројните реакции на социјалните мрежи. Додаваат дека ова го решиле поради политичка и морална одговорност.

Тие велат дека се на страната на Украина и дека биле домаќини на голем број руски уметници и групата Pussy Riot.

Ројтерс објави дека балетската претстава „Rasputin – Dance Drama“  требаше да се изведе во 2019 година, но е одложена.

Сергеј е поранешен директор на Кралската опера во Лондон. Роден е во Украина, а руско државјанство добил во 2018 година. Овој септември тој изведе танц во воена униформа за паднатите руски војници во Узбекистан. Узбекистанските власти тогаш изјавија дека тој отстапил од договорената програма.