Започна првиот уписен рок на Универзитетот во Тетово


Од денес до петок 30 август средошколците може да се пријават во рамки на првиот уписен рок на Универзитетот во Тетово. Во текот на оваа недела потребна е апликација на интернет страницата на Унивезритетот како и да се достават потребните документи.

-Според конкурсот во јули месец се предвидува да се запишат околу 3000 на вкупно 13 факултети односно 60 студиски програми. Прелиминарните резултати ќе бидат објавени во понеделник 2 септември. Задоволни сме од интересот и очекуваме дека ќе има доволен број кандидати. Како секоја година најголем интерес има за медицинските науки, изјави проректорот за настава Решат Ќаили.

Втор уписен рок на Универзитетот ќе има од 10 до 13 септември, додека третиот рок е на 23 и 24 септември. Годинава нема да има диспензирани студиски програми.