Започна пријавувањето за поддршка од 43.500 денари по вработен за центрите за странски јазици и едукативните центри

Во рамките на четвриот пакет економски мерки, денес се објавени јавните повици за издавање на грантови за центри за странски јазици и за едукативни центри за деца, на кој може да се пријават сите регистрирани субјекти кои работат во оваа дејност, соопшти Владата.

Согласно јавниот повик регистрираните центри за странски јазици и едукативните центри за деца, може да аплицираат за финансиска поддршка-грант до 24-ти декември до 23:59 часот, на електронската пошта: [email protected], со што добиваат можност за еднократна финансиска помош, во вредност од 43.500 денари по вработен.

Од Владата појаснуваат дека во прилог на барањето за финансиска поддршка преку електронска пошта, правните субјекти треба да ги приложат и следните документи:

 

·         тековна состојба (документ од Централен регистар не постар од 3 (три) месеци;

 

·         уверение за платени даноци и придонеси од УЈП не постаро од 3 (три) месеци и

 

·         список на вработени по даночен обврзник заверен од АВРСМ не постар од 15 (петнаесет) дена.

 

„Напоменуваме дека барањата за финансиска поддршка за центрите за странски јазици и едукативните центри за деца ќе се разгледуваат по принципот „прв дојден прв услужен“, а барањата кои нема да бидaт комплетни ќе ги заземат последните места по реден број на поднесување на датумот на комплетирање на барањето, се вели во соопштението, при што се додава дека за потврда на веродостојноста на податоците во поднесената документација Владата ќе изврши проверка со Управата за јавни приходи и Агенцијата за вработување.

Листата на одобрени барања на средствата за грантови за центри за странски јазици и за едукативни центри за деца ќе биде објавена на веб страната на Владата, се вели во соопштението.

Јавните повици се дострапни на следните линкови: