Заглавени неколку возила на западот од земјава – тешко проодни патиштата од Скопје до Охрид

Центарот за управување со кризи вечерва информира за тешко проодни патни правци во западниот дел на државата. На Единствениот повикувачки број 112 пријавени се повеќе случаи на заглавени возила и едно излетување од пат.

– По добиени информации од регионалните центри, како тешко проодни се евидентирани патните правци: Скопје – Тетово, Тетово – Гостивар, Маврово – Дебар, Кичево – Охрид, како и патниот правец Козјак – Скопје, како и повеќе регионални патишта во западниот дел на државата, информира ЦУК.

Центарот за управување со кризи ги повикува граѓаните да ги следат препораките на надлежните служби, а за навремена помош и пријава на опасности или итни ситуации да го користат Единствениот број за итни повици 112. 

Претходно надлежните соопштија дека има интензивни врнежи на снег има на Попова Шапка. Воведена е задолжителна употреба на зимска опрема за возилата.

Од 21 часот вечерва поради интензивни врнежи на снег е задолжително употреба на зимска опрема (ланци) на патниот правец село Лисец – Попова Шапка, информира вечерва Авто мото сојузот на Македонија.