Заев откако Мијалков дојде сам: Правдата е обезбедена, ќе ја има и повеќе и почесто!
Премиерот Зоран Заев, откако бараниот Сашо Мијалков сам појде во Обвинителството да го земе решението за домашен притвор, вели дека координацијата помеѓу сите институции со сите активности што се презедоа во последниве 40 часа дадоа резултат.
– После преземената акција објавувам конкретен резултат од кој имаме значаен успех:
Се пријави Сашо Мијалков во Обвинителството за организиран криминал и обезбеден е неговиот домашен притвор!
Институциите ги презедоа сите редовни и вонредни мерки во врска со бегството на Сашо Мијалков. Координацијата помеѓу сите институции со сите активности што се презедоа во последниве 40 часа дадоа резултат. Правдата е обезбедена, ќе ја има и повеќе и почесто!
Следува и моја изјава за медиумите за што јавноста дополнително ќе биде информирана, напиша премиерот Зоран Заев на својот Фејсбук профил.