Заев најавува одложување на распуштањето на Собранието

03/02/2020 15:01
Претседателот на СДСМ, Зоран Заев, денеска соопшти дека е можно Собранието да се распушти подоцна од предвидениот термин доколку навреме не се донесат законот за јавно обвинителство, протоколот за НАТО и законот за одбрана. „Ова беше дел од агендата што е договорена од сите партии да се заврши до распуштањето на Собранието на. Ако некој го прекрши тоа, тогаш распуштањето на парламентот и распишувањето на изборите нема да се случи“, изјави денеска Заев по сведочењето во кривичниот суд за предметот „Монструм“.

Прашан дали е можно одложување на изборите доколку не се донесе Законот за јавно обвинителство, Заев рече „не“, но истакна дека е многу важно договреното да се изгласа во парламентот.

„Убаво е на 12 февруари, како што објави Талат Џафери тоа да се случи. Изборите се распишуваат и парламентот се распушта од 45 до 60 дена. Значи имаме 15 дена за распуштање на парламентот и распишување на изборите, како што законот и Уставот тоа го дава, но јас верувам дека сѐ ќе биде завршено на 12 февруари“, изјави Заев.

Преговорите за законот за јавно обвинителство се во цајтнот и прашање е дали тој ќе биде усвоен до 12 февруари, откако стана јасно дека ВМРО-ДПМНЕ со разни методи на одолговлекување нема да го поддржи.

Поврзани содржини

ДИК изброја 75 отсто од гласовите: Силјановска има 266, а Пендаровски 130 илјади
Гласањето заврши, излезноста до 18,30 часот е 48,34 отсто
До 17 часот излезноста е 42,36 отсто
Русија: Се тресе фотелјата на Сергеј Шојгу по апсењето на неговиот клучен заменик
По ЕСМ, акции и од МЕПСО: Што ќе значи ова за граѓаните, а што за пазарот на капитал
„ВМРО-ДПМНЕ не блефира. Нема да го почитува Преспанскиот договор“: Интервју со Бојан Маричиќ
Битката меѓу Александар Николоски и Венко Филипче станува критична за кампањата
Дебатата помина во кажување на познатите ставови на кандидатите

Најчитани