Заев исклучи секаков сомнеж околу набавката на софтверот за МВР

09/03/2021 16:02
Премиерот Зоран Заев исклучи секаков сомнеж околу набавката на софтверот за сообраќајни прекршоци. Најави дека преку соодветно соопштение од Владата ќе информираат за сите детали поврзани со набавката на софтверот.
 
– Дадов насоки да се расчисти работата од позитивен аспект бидејќи е нешто што се спроведувало за време на техничката влада. Видов докази и информации за меѓусебна комуникација меѓу генералниот секретаријат и Министерство за внатрешни работи токму заради постапките, информациите, вградување на самиот систем, можности за тестирање на самиот систем, рече Заев на денешната прес-конференција во Владата.
 
Тој вели дека е спроведена целосна постапка и оти Владата ќе даде детално соопштение, зошто, како е набавен и каква била координацијата со МВР.
 
– Исклучувам секаков сомнеж околу набавката, таа е правена со ФИНКИ, со тендерска процедура. Кога ја видов информацијата во јавноста се обратив до службите да ме информираат макар усно, чекам да ми стигнат документите. За постапката биле предвидени  8 милиони денари буџет, имало компетативност, сумата паднала на некаде околу 5 милиони денари, но не ме фаќајте за збор, деталите и документите ги немам видено, само усно сум информиран. Спроведена е целосна постапка, рече Заев.

 

ВМРО-ДПМНЕ  денес обвини дека владиниот Генерален секретаријат, во времето на Драги Рашковски, набавил софтвер за сообраќајни прекршоци, кој не е во употреба иако е платен 81.000 евра.

.На огласот на Генералниот секретаријат на Владата во ноември 2019 година за изработка на софтвер за сообраќајни прекршоци, за автоматско казнување во системот „Сејф сити“ на МВР се пријавиле три компании. Победила компанијата Инвока. Софтверот е платен во февруари 2020 година, шест дена пред изборите, и веќе една година не е во употреба. Од МВР како краен корисник на оваа јавна набавка велат дека немаат коментар за набавката која била спроведена по налог на Владата на РСМ.

Од Владата пак изјавија дека „системот ќе биде ставен во функција кога за тоа ќе се извршат потребните синхронизации со базите на податоци од институциите кои треба да го надополнат неговото работење и потребните законски и подзаконски усогласувања“.

 Според нив, системот е набавен според сите процедури за јавни набавки и во отворена постапка, истиот е во сопственост на Република Северна Македонија, а понатаму може да биде предаден на користење на која било државна институција. Системот е независен од видот и типот на камерите кои се користат.

Поврзани содржини

Утре во ЕУ ќе се разговара за укинување на роамингот за Западен Балкан
Средба на Алиу со претставници на МАСИТ за дигитализација во здравството
Претставници на странски архиви на средба во Скопје, промовирана поштенска марка за јубилејот на Државниот архив
Поранешниот градоначалник на Кичево заработи кривична – осомничен е за злоупотреба на 1,6 милиони евра преку тендер
Цел државен врв на промоцијата на монографијата за Мисирков на Ганка Цветанова
„Не допирајте го Законот за јазиците!“- една од пораките на протестот за полагање правосуден на албански
И новиот градоначалник на Струга по стапките на стариот, Ќира заработи кривична!
За Велигден дожд и пад на температурите

Најчитани