Заев: И јас скенирам фискални сметки

Премиерот Зоран Заев денеска рече дека и тој скенирал фискални сметки за поврат на средства за ДДВ.

„Ја симнав апликацијата, ги советувам и пратениците и сите граѓани да го прават истото“, напомена премиерот од собраниската говорница.

Досега, како што потврди, над 135.000 граѓани ја симнале апликацијата, а државата ќе треба да им врати над 700.000 евра.

Според пресметките, на 1.000 денари би се вражале 27 денари. Максимум што може еден граѓанин да добие од државата се 7.200 денари годишно.