Заев ги повика институциите да го истражат случајот со софтверот на Рашковски
Апелирам секоја надлежна институција, којашто постои во државата за проверка во законитоста на постапката за случајот со Рашковски да направи конкретно проверка и да направи извештај. Јас, како претседател на Владата којшто го има именувано за еден од секретарите во мојот кабинет ќе постапам директно доколку има какво било прекршување, порача премиерот Зоран Заев од Богданци, одговарајќи на новинарско прашање за случајот со набавката на софтвер од поранешниот генерален секретар на Владата, а сега еден од секретарите во неговиот кабинет.
-Однапред сакам да ставам ограда дека не треба секој да биде обвинуван заради тоа што претходно имал создадено свој систем, го патентирал како систем, односно како процес, одредено право го отстапил бесплатно, нормално на користење на својата земја и дека на тој начин е забрането да се спроведува постапка, за да се набави таков систем, таков софтвер за потребите на државата. Сакам да ја испратам пораката дека луѓето коишто се инвентивни во државата, коишто се докажале во својот приватен и професионален план и требаат на државата да бидат ангажирани, вели Заев.
Но, порача, кон секој кој се огрешил на законот или, како што вели, има барем неетичко постапување во делокругот на своето работење, тој како премиер директно ќе покрене одговорност и ќе побара негова оставка или разрешување.Премиерот, Заев ги повика сите институции, обвинителство, МВР да работат на овој случај за да се разреши.