За ВМРО-ДПМНЕ казнувањето за блокирање патишта е „спротивно на Устав“

Амнестијата на насилниците од обидот за државен удар на 27 април ги покажува последиците и на актуелните протести, каде што се стигна и до фрлање молотови коктели, а сите веруваат дека за таквите дела нема да одговараат, вклучувајќи ги и организаторите од ВМРО-ДПМНЕ  и Левица, кои инаку тврдат дека не се тоа. Според реакциите на ВМРО-ДПМНЕ власта ја злоупотребува МВР, бидејќи прекршочните казни за тие што го блокирале патот  во Струмица се „спротивни на Уставот“.

„Граѓаните имаат уставно загарантирано право на протест и можат да го искажат и со блокади и друг вид активности. Власта има должност да го гарантира ова право на граѓаните, а не да го попречува“, еагираат од ВМРО-ДПМНЕ. 

Според нив, во текот на последните два дена низа граѓани кои го блокираа патниот правец Струмица – Радовиш  добиле прекршочни казни во висина од 50 евра во денарска противвредност за движење по пат и 35 евра за паркирано возило. Платни налози за плаќање на казни, според оваа партија, добиле и луѓе кои не биле воопшто на блокадата.Според оценката на ВМРО-ДПМНЕ според системот на казнување се гледа дека единствена причина и цел е заплашување на народот да не излегува на протест.

 

Од надлежните институции,пак, претходно беше посочено дека според актуелното законодавство во земјата протести на автопатишта не се дозволени и тоа е казниво. Патем, и учесниците на протестите од Шарената револуција беа судени за нападот на канцеларијата на претседателот Ѓорѓе Иванов. 

 

„ВМРО-ДПМНЕ е навикната на постојано непочитување на законите и , дури и кога организира протести, тоа го прави спротивно на законите. Партијата предводена од Христијан Мицкоски не може да побегне од одговорноста ниту за насилството ниту за прекршувањето на законите. Во Законот за јавни собири во членот 2 јасно е наведено дека „Јавен собир заради мирно изразување на мислење или протест може да се одржува на секое место кое е соодветно за таа намена, освен:

 

-До здравствени установи, на начин кој го оневозможува пристапот на возила на брза помош и го нарушува мирот на болните;

 

-До детски градинки и училишта додека децата престојуваат во нив и на автопатишта и магистрални патишта, на начин со кој се загрозува патниот сообраќај“.

 

Не е првпат ВМРО-ДПМНЕ свесно да ги тера неговите членови да го прекршуваат законот, а потоа да ги претставува како жртви. ВМРО-ДПМНЕ и Мицкоски и нивниот проруски коалициски партнер Левица прават се за да ја нарушат стабилноста на државата но СДСМ, заедно со институциите, со граѓаните, тоа нема да им го дозволи, порачаа од власта.