За отпад ќе се плаќа по количина, не по квадратура

За да се стимулираат граѓаните да го селектираат домашниот отпад, ќе се смени начинот на плаќање ѓубретарина, па од досегашниот метод плаќање оп квадратура на стан, ќе се премине на плажање по количина.

„Покрај сите системи на кои работиме, подготвуваме и нова методологија за утврдување на надоместокот за собирање ѓубре. Сега плаќаме по метар квадратен – во 100 кватрати може да живеете сам и да продуцирате, на пример, 10 килограми ѓубре, или во 100 квадрати да живеат 10 луѓе и да произведуваат 1000 килограми, тие плаќаат исто“ рече министерката за животна средина и просторно планирање, Каја Шукова во „24 анализа“ на ТВ24.

„Со тоа ќе се стимулираат граѓаните да го селектираат отпадот ,бидејќи има преработувачи кои бараат отпад за преработка, бидејќи отпадот може да биде добар извор на заработка“ рече Шукова.

„Тој отпад го правиме самите ние, на сите излетнички места, по автопатите. Тоа го нема во странство, бидејќи таму има казни. Затоа подготвуваме и предлог за комунална полиција“, рече Шукова.