Skip to content
19/11/2026
  • Импресум
  • Маркетинг
  • Услови за користење
Независен Весник
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија
Search
Независен Весник
Search
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија

За Александар Николоски се што прави Владата е смешно и недоволно

19/03/2020 13:23

Има најави за отпуштања на огромен број  вработени -тврдеше денеска апокалиптички потпретседателот на ВМРО-ДПМНЕ, Александар Николоски, на прес-конференција. За него се што прави Владата околу епидемијата со корона вирусот е или смешно или презадоцнето, дека не учат (од советите на ВМРО-ДПМНЕ), дека се неспособни и дека се што прават сега требало да направат пред еден месец.
„Системот не функционира, а економијата пропаѓа. Но, она што функционира за жал се добрите пи-ар алатки. Една недела гледаме пи-ар алатки и по три пати појавување на ден со разни информации, но никаква активност“, поентираше Николоски. Па, распали уште повеќе.

„Претседателот на државата самиот призна дека системот не може да издржи и дека  ќе колабира. Па, јавно прашувам, затоа што не е негова работа да констатира состојби туку да решава – што направил од моментот кога сфатил или добил информација дека системот на може да издржи до овој момент? Тој од минатиот мај е претседател на државата, а не аналитичар и е избран н највисоката позиција во државата за да решава проблеми“, го искара Николоски шефот на државата, пред да се фокусира на Владата.

Кај Владата му сметаше што во време на криза лови политички поени со прес-конференцијата за ратиофикацијата на Протоколот за прием во НАТО од страна Шпанија, иако шпанскиот парламент направи исклучителен напор во време на тешка криза да излезе во пресрет на Македонија.

Според Николоски, мерките не се доволно рестриктивни, и тоа го кажале Обединетите нации, кои ја карактеризирале Македонија како земја која нема јасни ограничувања во однос на приемот на лица од други држави, како на пример, германската одлука да не прима Италијанци, заборавајќи дека така ќе се затвори вратата за нашите државјани во таа земја. Испаѓа дека да беше ВМРО-ДПМНЕ на власт би ја затворило границата за нашите граѓани во Италија, но тоа не му пречеше на Николоски да жали над судбината на, според него, илјадници граѓани кои се заглавени по аеродроми и граници.

На крајот тој побара итни мерки да се спречи економската катастрофа, набројувајќи повеќе такви.

„Имаме веќе најави за огромни отпуштања на огромен број на работници, насекаде низ Македонија, за тоа Владата не презема ништо. Затоа предлагаме замрзнување на обврските на компаниите кон државата чија што работа е поврзана или е погодена со ситуацијата. Второ, замрзнување на обврските за компаниите кон банките и заемодавателите, најмалку за месецот март, а доколку е потребно и кризата продолжи, и за април. Трето, владата да ги преземе обврските да ги сторнира и да ги плати каматите по однос на кредитите на компаниите за март, а доколку продолжи кризата и за април. Четврто, државата да ги плати трошоците за вработените во компаниите кои што се погодени во висина од 50 отсто од вкупниот трошок за вработените, односно 50 отсто од бруто плата. И конечно, потребно е веднаш да се направи анализа на сето она што се случува во моментот, кои сектори и компании се погодени и ним да им се исплатат субвенции од страна на државата за да го преживеат овој период“, наброја Николоски.

Со смешни, како што рече, пет милиони евра не ја решаваат состојбата, бидејќи државите околу одат со помош која што се брои во стотици милиони евра, дури и во милијарди евра.

„Потребни се субвенции за најпогодените сектори. Исто така, еден сектор кој што досега не беше споменуван, а е многу значаен е транспортниот сектор. Предлагаме да не се плаќа патарина за сите оние кои што вршат транспорт на патници и на стока. Државата да ја преземе обврската за трошоците за регистрација на возилата, камионите и автобусите при следната регистрација. Поедноставено, транспортните компании да не ја платат следната регистрација кога ќе ги носат возилата за регистрирање. Трето да се поделат субвенции за овие компании“, рече Николоски, пред да констатира дека ова не е прес-конференција за добивање поени и додворување на бизнисот, туку битка за опстанок на државата што ја загрозува „аматеризмот и неспособноста на Владата на СДСМ“.

 


Поврзани содржини

Воведена нова образовна квалификација – специјалист за мехатроника на камиони и тешки товарни возила во СУГС „Владо Тасевски“
19/11/2026 16:11
Дојави за бомби во тетовски училишта
19/11/2026 15:11
Дебата на УКИМ за ВИ во правосудството – ефикасноста расте, но одговорноста останува кај судиите и обвинителите
19/11/2026 15:11
Бугарија ќе биде одговорна и за македонскиот дел од прекуграничниот тунел
19/11/2026 14:11

Центар доби хуманитарни паркинг-места: паркирај, плати, донирај
19/11/2026 14:11
Награда за МВР за проектот „Безбеден град“ на Светскиот полициски самит
19/11/2026 14:11
Се уредува влезот во Старата чаршија во Скопје
19/11/2026 14:11
Се асфалтира улицата „Гаврил Константиновиќ“ што го поврзува Лисиче со Реонски Центар
19/11/2026 14:11

Најчитани


  • Мира Марковиќ ќе биде кандидатка за претседател на Франција, номинирана од Анималистичката партија
    14/11/2026 22:09
  • Мицкоски отвори пресметка и со Кире Наумов за случувања пред 10 години
    13/11/2026 15:42
  • „Имам голем проблем да барам од вас да го смените Уставот“: Сиљановска до пратениците
    17/11/2026 15:23
  • Врне на саемот „Вкуси ја традицијата преку домашна здрава храна“, но мириса на јаболка, вино, ориз…
    14/11/2026 13:25
  • Парите од Алта банка Србија исчезнале од финансискиот систем
    14/11/2026 17:32
  • Австралија го подготвува првиот закон во светот за кривична одговорност на компаниите за вештачка интелигенција
    15/11/2026 15:34

© Независен Весник  2019 -2026

  • Импресум
  • Маркетинг
  • Услови за користење