„Вучиќ ја загуби контролата над самиот себе“: Оценка на познатиот новинар Бошко Јакшиќ

Политичкиот коментатор Бошко Јакшиќ денеска изјави дека српскиот претседател Александар Вучиќ ќе се обиде да ја зачува својата „разнишана“ политичка моќ преку формирање на тнr Народното движење за државата и распишувањето вонредни парламентарни избори.

Јакшиќ за агенцијата Бета изјави дека Вучиќ изгубил контрола над себеsi, што, како што рече, имало влијание и на значителниот пад на неговиот рејтинг. ;

„Однесувањето и реакциите на Вучиќ по две масовни убиства покажуваат дека тој целосно ја изгубил контролата врз себеси. Неговата нервоза и начин на изразување по мирните протести на граѓаните против насилството, укажуваат на тоа дека неговиот контролен менаџмент овојпат не профункционира. Вучиќ направи неколку ‘грешки во чекори’ кои го ослабуваат неговиот рејтинг“, изјави Јакшиќ.

Вучиќ, додаде тој, е во многу непријатна ситуација поради лошата ситуација во Косово.

„Поразот на политиката на Вучиќ околу прашањето за Косово ќе го намали рејтингот и негов и на Српската напредна партија (СНС), што ќе го забрза распишувањето на вонредните парламентарни избори“, рече Јакшиќ и изрази очекување дека изборите ќе бидат се одржат веќе на почетокот на есента.

Според него, Соединетите Американски Држави и Европската унија не се подготвени да чекаат премногу за да се исполни она што беше прифатено во Брисел и Охрид.

„За да ги исполни ветувањата поврзани со Косово, Вучиќ ќе мора прво да организира парламентарни избори, бидејќи по спроведувањето на Охридскиот договор уште повеќе ќе му падне рејтингот. Токму поради Косово, односно одлуките што ќе треба да ги донесе, ќе се обиде да организира некаква фронтовска организација, како во времето на социјализмот. Вучиќ прави реплика на СНС, а за себе резервна позиција и континуитет на апсолутистичко владеење“, вели коментаторот.

На прашањето кој би можел да се приклучи на тоа движење, Јакшиќ рече дека меѓу членството веројатно ќе има и луѓе од граѓанската опција, но не е сигурен ќе им придружат Ивица Дачиќ и Социјалистичката партија на Србија. „Социјалистите би го изгубиле својот идентитет ако се ‘претопат’ во таква фронтовска организација, а тоа може да доведе и до раскол во партијата“, рече тој.

На прашањето дали Вучиќ се уште ја има безграничната поддршка од Вашингтон и Брисел, Јакшиќ вели дека поддршката од Западот сега е значително помала отколку во времето на Ангела Меркел.

„Сегашните американски и европски дипломати немаат благонаклон однос кон Вучиќ. Свесни се дека само Вучиќ може да им ја заврши работата, бидејќи не можат да најдат партнери во опозицијата за Косово. Сепак, овој тим странски дипломати не е подготвен да го толерира авторитаризмот на Вучиќ, како што тоа го правеше поранешната германска канцеларка“, посочи Јакшиќ.

Тој нагласи дека странските дипломати инсистираат на строга дисциплина.

„Тие ги признаа резултатите од изборите на северот на Косово, иако излегоа само три отсто од запишаните гласачи. Тоа, всушност, беше директна порака до Вучиќ дека ќе биде казнет доколку дисциплинирано не ги следи сите упатства од Брисел и Охрид“, изјави Јакшиќ.

На прашањето дали и кога Западот ќе влијае на посилните демократски реформи во Србија, Јакшиќ рече дека тоа може да се очекува само по претседателските избори во САД во 2024 година.

„Демократијата во Србија сѐ уште не е на агендата на Западот и така ќе остане до американските избори. На Вучиќ му останува само да се надева дека Доналд Трамп ќе победи на следните избори во САД, бидејќи тоа би му било олеснување да продолжи да води авторитарна политика. Ако победи администрацијата на Бајден, тогаш ќе стане актуелно и прашањето за демократските реформи во Србија“, заклучува Јакшиќ.