Врховниот суд го одби барањето на обвинителот за брза одлука за имунитетот на Трамп

Врховниот суд на САД соопшти дека нема веднаш да го разгледа барањето на специјалниот советник Џек Смит да го забрза процесот на одлучување за тоа дали поранешниот претседател Доналд Трамп може да биде кривично гонет за неговите постапки со намера поништување на резултатите од изборите во 2020 година.

Одлуката на судот е победа за Трамп и неговите адвокати, кои постојано се обидуваа да ја одложат кривичната постапка против поранешниот претседател додека тој се обидува да се врати во Белата куќа во 2024 година.

Оваa одлука значи дека Врховниот суд нема брзо да донесе пресуда што може да го оспори тврдењето на Трамп дека има имунитет и ја доведува во прашање можноста за почетокот на судењето на 4 март.

За ова прашање сега ќе одлучува Апелациониот суд на САД за округот Колумбија, кој посочи дека брзо ќе го реши случајот. Специјалниот обвинител Џек Смит предупреди дека дури и брзата жалбена одлука може да не стигне до Врховниот суд навреме пред летната пауза.