Вознемирен маж го чекал Филипче да му помогне за закажување термин

Фото: Б. Грданоски

Министерот за здравство Венко Филипче побарал од соработниците да биде пронајден човекот кој утринава го чекал пред зградата на Министерството, а претходно од страна на обезбедувањето му било укажано да се оддалечи.

Утрово 33-годишен човек видно вознемирен го чекал министерот да побара помош од него во врска со некаков проблем во некоја од Клиниките.

-Човекот беше вознемирен, имал некој проблем со закажување за термин на клиниката и го пратив кај колегите да му помогнат. Му дадов телефон и го чекам да ми јави дали завршил работа, изјави за МИА министерот Филипче.

Според полициската белешка, утринава во 7 часот и 15 минути од Одделот за обезбедување пријавено е машко лице како седи на скалите пред Министерството за здравство. Од Страна на полициска станица Центар испратена е служба која констатирала дека се работи за лицето А.А. родено 1987 година.