(Видео) Почнува вакцинацијата во Македонија – Добринка Јовановска и Габриела Темелковска први примија вакцина

Со вакцинација на двајца здравствени работници, денеска во 10 часот во модуларната болница во Скопје ќе почне процесот на имунизација во земјава.

Добринка Наунова Јовановска, примариус доктор инфектолог и Габриела Темелковска, главна сестра на инфективна клиника се првите здравствени работници кои денеска ја примија вакцината против Ковид-19.

-Безболно е и се чувствувам одлично. Препорачувам сите да се вакцинираат, за да стекнеме имунизација во целата држава, рече Јовановска.

.

– Денеска продолжува вакцинацијата на сите вработени на Инфективната клиника. Следат вработените во сите ковид центри, најпрвин тука, во Скопје, а од викендот и болниците ширум државата и приватните болници – рече министерот за здрваство Венко Филипче, кој присуствуваше на почетокот на вакцинацијата.

Пунктот во модуларната болница ќе има шест вакцинални позиции, кои ќе работи во две смени од 8 до 20 часот, а вакцинацијата ќе ја спроведуваат медицински тимови од Здравствен дом Скопје.