(Во живо) Министерката за култура во посета на тријазичното училиште „Јашар Беј Шкупи“
По повод Меѓународниот ден на мајчиниот јазик, министерката за култура Бисера Костадиновска-Стојчевска денеска ќе го посети тријазичното основно училиште „Јашар Беј Шкупи“ во општина Чаир.
Пред министерката Костадиновска-Стојчевска, придружувана од државниот секретар од Министерство за образование и наука Анета Трпевска и градоначалникот на општина Чаир Висар Ганиу, учениците ќе читаат песни од познати автори на нивниот мајчин јазик и ќе ги изложат нивните цртежи на темата „Спој на културата и јазикот низ призмата на учениците“.