(Во живо) Ковачевски и Брнабиќ го промовираат интегрираниот електронски систем за наплата на патарините

Премиерот на Република Северна Македонија, Димитар Ковачевски заедно со премиерката на Србија, Ана Брнабиќ го промовираат заедничкиот интегриран електронски систем за наплата на патарините.

Станува збор за брзо и ефикасно плаќање на патарините во Северна Македонија и Србија со помош на посебен ТАГ уред за бесконтактно електронско плаќање на патарина, кој успешно функционира и овозможува непреченo движење преку териториите меѓу двете земји.

Изјави за медиумите ќе дадат премиерите Ковачевски и Брнабиќ, како и министрите за транспорт и врски, Благој Бочварски и Горан Весиќ, министерот за градежништво, транспорт и инфраструктура на Република Србија.

На настанот присуствуваат и министерот за внатрешни работи Оливер Спасовски, како и директорот на Јавното претпријатие за државни патишта (ЈПДП), Ејуп Рустеми.