Во Унгарија намален карантинот од 14 на 10 дена

Задолжителниот карантин за патниците кои влегуваат во Унгарија е намален од 14 на 10 дена, изјаvи членот на Кризниот штаб за борба против Ковид-19, Роберт Киш.

Тој додаде дека и покрај карантинот, странските државјани мора да покажат и дозвола за влез во земјата.

Во изминатите 24 часа издаден е налог за изолација за 2.062 лица, од кои 774 пристигнале од странство. Во домашна изолација се повеќе од 25.000 лица.

Во Унгарија досега се регистрирани 19.499 инфицирани луѓе со новиот коронавирус, од кои починале 694.