Во трката за наследник на Борис Џонсон останаа уште тројца

По денешното гласање на пратениците на Конзервативната партија на Британија за наследник на премиерот Борис Џонсон останаа само уште тројца кандидати. И натаму во сигурно водство е поранешниот министер за финансии Риши Сунак. Тој доби 118 гласови (три повеќ од претходниот круг), по него следат министерката за меѓународна трговија Пени Мордонт со 92 (повеќе за 10) и шефицата на дипломатија Лиз Трас со 86 (повеќе за 15). Од трката испадна Кеми Баденок, која доби 59 гласови (плус 1).

Следното, кобечно гласање е утре, по што првите двајца пласирани ќе одат на изјаснување на вкупното членство на Конзервативната партија кое изнесува околу 200.000.