Во трка за наградата „Роман на годината“ 43 дела

На годинашниот конкурс за наградата „Роман на годината“ којшто траеше од 15 декември до 15 јануари, пристигнати се 43 романи.

На конституитивната седница, жири-комисијата за доделување на наградата „Роман на годината“ за 2024 година, што ја доделува Фондацијата за унапредување и промоција на културните вредности „Славко Јаневски“, констатирала дека во конкуренција се романи од различни жанрови и дека процесот на избор на најдобро дело воопшто нема да биде лесен.

Комисијата, во состав Лидија Димковска (минатогодишна лауреатка и претседателка на жирито), Маја Бојаџиевска, Ѓоко Здравески, Андреј Ал-Асади и Катерина Богоева (претставничка на Фондацијата) ќе направи неколку селекции на пристигнатите романи, а селектираните романи јавно ќе бидат објавени. Името на победникот треба да биде објавено до 15 март.

Наградата „Роман на годината“, поддржана од Министерството за култура, чиј генерален спонзор е „Комерцијална банка“ АД Скопје, годинава ќе биде доделена по 26-ти пат. Признанието се состои од плакета, оригинална статуетка и паричен износ од 150.000 денари.

Список на пристигнати дела на конкурсот „Роман на годината“ за 2024 година

1. „Безсловен“, Кирил Ангелов, „Сакам книги“
2. „Ветрилиште“, Игор Анѓелков, „Или-или“
3. „Јод“, Снежана Младеновска Анѓелков, „Или-или“
4. „Играта на господин Филип“, Санта Аргирова, „Култура“
5. „Коски, пепел, чад“, Мери Арсова, „Антолог“
6. „Напластување“, Јасмина Атанасова, Центар за култура Битола
7. „Риба во(н) мрежа“, Јована Матевска Атанасова, „Арс Либрис“
8. „Роботот 1971“, Бобан Богатиновски – Куманово, самостојно издание
9. „Кум“, Саша Богдан, „Сакам книги“
10. „Ковчежето со драгите предмети“, Матеј Богдановски, самостојно издание
11. „Тони“, Румена Бужаровска, „Три“
12. „Кога соништата не заспиваат“, Викторија Гаго, Ирис, Струга
13. „Стриптиз на душата“, Филип Георгиевски, „Бата пресс“
14. „Искра“, Петре Димовски, „Дијалог“
15. „Седум часот и педесет минути“, Јован Илиески, „Антолог“
16. „Кој го уби Едгар Алан По“, Владо Јаневски, „Или –или“
17. „Кобајаши Мару“, Анде Јанков, „Антолог“
18. „Недостиг“, Симеон Јанков, „Или-или“
19. „Ехото на акробатите“, Владимир Јанковски, „Арс Либрис“
20. „Леска Брезоска“, Симона Јованоска, „Или –или“
21. „Страшни приказни“, Сузана Камберова, „Арс Либрис“
22. „Во длабочината на моите рани“, Благица Каревска, „Панили“
23. „Простување“, Кица Колбе, „Или –или“
24. „Тајни“, Јордан Коцевски, „Антолог“
25. „Светот што го избрав“, Калина Малеска, „Или-или“
26. „Јас пратеник“, Владимир Мандичевски Манде, „Баги Комуникации“
27. „Девојката што ја наслика смртта“, Андреа Мирческа, „Арс Либрис“
28. „Што се случи со Исидора?, Јана Мишо, „Арс Либрис“
29. „Неочекувано“, Ана Мовска, „Арс Либрис“
30. „По корените на мајка ѝ“, Марија Моневска, „Ројал Арт“
31. „Зад маските“, Ксенија Николова, „Шеринг ис керинг“ – Здружение за создавање на подобро општество за сите
32. „И ѕирка и проѕирка“, Огнена Никуљски, „Антолог“
33. „Огне и Време за желби“, Виолета А. Наумовска, самостојно издание
34. „Евацид“, Никола Радуловиќ, „Флип Бук“
35. „Возот“, Филип Скуманов, самостојно издание
36. „Не ѝ верувај на баба ти“, Натали Спасова, Н. Славковска
37. „И јас сум Сирма“, Зоран Спасов Ѕоф, „Арс Либрис“
38. „Љубов, море и лимончело“, Татјана Кацарска Станоевска, „Топер“
39. „Раѓањето на Илија“, Зоран Стојаноски, ПНВ Публикации
40. „Капињера“, Гордана Такец, „Сакам книги“
41. „Тајната на монахот“, Далибор Трајков, „Сакам книги“
42. „Италијанскиот ракопис“, Лепа Гештаковска Христовска, „Сакам книги“
43. „Приказни од ѕунливото море“, Билјана С. Црвенковска , „Чудна шума“