Во Србија нема веќе слободни кревети за нови пациенти со ковид

Драматично предупредување на епидемиологот Предраг Кон. Ситуацијата е „многу, многу лоша“ вели тој

Српскиот епидемиолог Предраг Кон рече дека го поздравува воведувањето на ковид пропусници, но наведе дека тие требаше да се воведат порано и дека е „незадоволен и тажен затоа што не мисли дека тоа ќе биде доволно“, и дека медицинскиот дел од Кризниот штаб е да се бори со короната.Уште порано тој предложи построги мерки.

„Епидемиолошката состојба се разви во практично катастрофална, бидејќи никаде немаме сигурен кревет за пациентите, така што пациентите мора да се отпуштат порано за да се добие простор. Ситуацијата е многу, многу лоша“, рече Кон за ТВ Прва.

Кон, кој исто така е член на Кризниот штаб на Владата на Србија за борба против епидемијата на корона вирусот, рече дека очигледно не постои брз начин да се зголеми бројот на вакцинирани граѓани во Србија за да се добие колективен имунитет.

„Баравме практично сѐ што работи да се затвори во 17 часот – главно продавници, трговски центри, кафулиња и да се отвори само она што е за намирници, лекови и гориво. Исто така, забрана за јавни собири над пет лица“, рече Кон за позицијата на медицинскиот дел на Кризниот штаб.

Според него, вирусот „сериозно se спуштил во циркулацијата“ меѓу децата, така што некои од нив се на респиратор, и дека „легитимното прашање, за кое вчера започна дискусијата, е дали е време да се размислува за онлајн настава“.

Тој нагласи дека „моторот“ на секоја респираторна епидемија се колективите – училиште, работа, спорт, прослави, свадби, ноќни клубови.