Во Србија голема полициска акција, уапсени челниците на балкански нарко картел

Во Себија беа уапсени 13 лица во голема полициска акција против меѓународна трговија со дрога. Тие се сметаат за водачи на таканаречениот балкански картел, пишува Нова.рс. Во последните години тој картел организираше шверц на повеќе од седум тони кокаин во Европа.

Во рамките на меѓународната кампања Easy беа уапсени 13 лица од Белград, Ниш, Лазаревац, Суботица и Зрењанин.

Сè се одвивало во тајност, а српската полиција соработувала со Европол и со холандската и белгиската полиција.

Балканскиот картел се состои од најмалку дваесет луѓе. Од останатите седум, четворица се во бегство, двајца се веќе зад решетки, додека еден е во притвор поради други причини.