Колку чини лебот во балканските земји, во Србија е замрзнат на 30 денари

Во споредба со другите земји од Западен Балкан според статистиките заклучно со август, Албанија е земјата каде што лебот поскапел најмалку, додека во Црна Гора цената на овој главен производ е двојно зголемена.

Имено, лебот во Албанија поскапе за 20%, па и сега жителите на оваа земја го купуваат по цена од 0,51( 32 денари) евро. Лебот во Србија поскапе за четири отсто повеќе од Албанија, а граѓаните за него плаќаат 0,49 евра. ( 30 денари)

Во Босна и Херцеговина оваа храна чини 0,79 евра (48 денари), што е за 35% повеќе во споредба со претходниот период.

Според оваа статистика исто процентуално поскапување во август имало и во Северна Македонија, каде лебот чинел 0,81 евро (50 денари), пишува „Цивилмедиа“.

Во Косово поскапе за 39 отсто, а граѓаните можеа да ја добијат за половина евро, а денеска има ново поскапување со што лебот чини 0,40 центи (24,52 денари).

Убедливо најголемиот скок на цената на лебот се случи во Црна Гора. Купувањето леб ги чини граѓаните на Црна Гора 0,75 евра (46 денари), што е за 50 отсто повеќе од претходниот период.

Владата на Србија на седница во фервуари донесе нова Регулатива за задолжително производство и продажба на леб од брашно Т-500, според која лебот „Сава“ чини 57 динари (30 денари), а не 53,5 динари колку што чинеше при претходното замрзнување. Оваа уредба ќе важи до 30 јуни 2023 година.

Хрватска лани беше меѓу петте земји од ЕУ каде лебот поскапе најмногу, а по воведувањето на еврото следеше нов бран поскапувања. По последниот бран поскапувања, во кој цената на лебот, според пресметките на пазарната инспекција, се зголеми за петнаесет отсто, ќе платите меѓу 1,3 и 1,6 евра за векна обичен бел леб од 750 грама.