Во Словачка масовни протести против затворањето на Специјалното обвинителство

Илјадници Словаци се собраа во речиси 20 градови за да протестираат против обидот на премиерот Роберт Фицо да го затвори Специјалното обвинителство кое ги истражува злосторствата од висок профил, вклучително и случаи блиски до премиерот.

Демонстрациите, повикани од прозападни либерали, конзервативни опозициски партии и граѓански активисти, се четврти протести откако Фицо предложи брза реформа на Обвинителството и Кривичниот законик во декември, што предизвика загриженост и во Европската комисија и во САД.

Неговиот план вклучува укинување на Канцеларијата на Специјалното обвинителство (УСП), која ги истражува случаите на организиран криминал и корупција, ограничување на заштитата за укажувачите и намалување на казните за финансиски криминал.

„Постои закана дека правдата за сите ќе се претвори во амнестија и заштита на луѓе блиски до владејачката коалиција, за минати и идни дела“, рече Маријан Чаучик, заменик-претседател на опозициските Демохристијани на митинг во Братислава.

На плоштадот во центарот на градот на ниска температура се собраа луѓе кои ги носеа знамињата на Европската унија и Словачка извикувајќи „Срамота“ и „Доста е од Фиц“.

Полицијата проценила дека се собрале околу 20.000 луѓе.Стотици, а на некои места и илјадници луѓе се собраа на митинзи во други градови, објавија словачките медиуми.