Во Скопје протест за поддршка на Палестинците

Стотина души денеска се собраа пред џамијата „Мурат Паша“ во Старата чаршија во Скопје за да изразат поддршка на Палестинците во крвавиот конфликт меѓу Израел и Хамас. Протестот беше под мотото „Не молчи за масакрот во Палестина“ и се одржа по петочната молитва.

Имаше знамиња на Палестина, а протестот беше во организација на „Платформата за поддршка на Палестина“.

Сегашната војна започна на 7 октомври, кога Хамас го нападна Израел убивајќи 1.400 Израелци, главно цивили, по што израелската држава возвраќа со жестоко бомбардирање на Појасот Газа. Досега во тие бомбардирања загинаа 3.500 Палестинци.