Во Скопје на улиците се снимаше „Бал на вода“ (галерија)

Август деновиве во Скопје наликува на октомври со обилните дождови и промените на климата. Од сонце, дожд, по дожд сонце, ама никој не се пофали на социјалните мрежи дека видел на небото виножито. Така е кај нас, се е црно бело, тешко да се види животот низ нијанси.

Дождот за природата е благодет, а за луѓето-зависи од расположение. Им се допадна на романтичните, не им се допадна на скептичните, не можеме да мрднеме од дома-коментираа песимистичните, а оптимистичните си рекоа во себе: Утре е нов ден, можеби сончев.

Фоторепортерот на „Независен“ Борис Грданоски беше меѓу храбрите професионалци кои забележа низа интересни ситуации, нималу пријатни на обилен дожд. Некои наликуваа на култниот американски филм „Бал на вода“, а некои од граѓанките на Естер Вилијамс.