Во рускиот напад на театарот во Мариупол загинаа 600, а не 300 луѓе

Околу 600 луѓе загинаа во руски бомбардирање на театар во разурнатиот украински град Мариупол во март, јавува Асошиетед прес.

Врз основа на изјавите на сведоците на нападот, властите во јужниот пристанишен град првично рекоа дека 300 луѓе биле убиени во бомбардирањето на 16 март.

Новата истрага на АП, заснована на извештаите на речиси дваесетина преживеани, спасувачи и луѓе кои се блиску запознаени со театарот, откри докази дека нападот всушност бил многу посмртоносен од проценките.

Користејќи реконструкција на 3Д модел на планот на зградата и повратни информации од експерти, новинарите открија дека во бомбашкиот напад загинаа околу 600 луѓе внатре и надвор од зградата.

Преживеаните од инцидентот процениле дека 1.000 луѓе биле во театарот за време на воздушниот напад, но најмногу 200 биле видени како излегуваат.