Во руски затвор, секое утро по државната химна се пушта песна на поп пејач за да се поправи однесувањето
Познатиот руски опозициски лидер Алексеј Навални, кој е во затвор, на својот Инстаграм профил објави дека секое утро во затворот, по руската химна, има можност да слуша песна од познатиот поп пејач Шаман.
„Пејачот Шаман се појави кога веќе бев во затвор, па не сум го видел ниту слушнал, но знам дека сега е тој главен изведувач на Путин – Шаман. А тој ја има главната песна: „Јас сум Русин“. Сите ја знаат, се снимаат нејзини пародии итн. Се разбира, бев љубопитен да ја слушам, но каде во затвор можеш да слушаш музика? А потоа ме доведоа кај Јамал“, рече тој.
Навални наведува дека секој ден во пет часот наутро се слуша наредбата за будење, а потоа и руската химна. Веднаш по неа е втората најважна песна во земјата, „секогаш ја свират песната на овој Шаман „Јас сум Русин““.
View this post on Instagram
„Па замислете ја сликата: Јамало-Ненец автономен округ. Поларна ноќ. Во касарната за криминалци во колонијата на специјалниот режим, Алексеј Навални, осуден на 19 години затвор, кој со години го перат преку пропагандата на Кремљ поради учество во руските маршеви изведува вежби на песната „Јас сум Русин“, која му е издадена како едукативно дело за корекција на однесувањето“, рече тој.
Пејачот Шаман стана популарен веднаш по почетокот на војната во Украина благодарение на песната „Јас сум Русин“ која беше најслушана во Русија, во која пејачот опишува како „за инает на цел свет“ е горд што е Русин.
Непознатиот пејач до неодамна настапуваше за Владимир Путин на прославата на државните празници.