Во Њујорк средба Мицкоски-Вучиќ, разговарано за унапредување на соработката

Премиерот Христијан Мицкоски остварил средба со српскиот претседател Александар Вучиќ, во рамки на 81. заседание на Генералното собрание на ОН во Њујорк.

-Остварив средба со претседателот на Република Србија, Александар Вучиќ. На средбата разговаравме за актуелните состојби во регионот, значењето на добрососедските односи, унапредувањето на соработката и заедничките интереси кои придонесуваат за стабилност, развој и просперитет на нашите народи – објави премиерот Мицкоски на Фејсбук.

Тој во објавата наведува дека продолжуваат со отворен дијалог и конструктивна соработка во насока на јакнење на регионалното поврзување и европската перспектива на Западен Балкан.