Во куќа во Лос Анџелес најдени тела на три мртви деца, мајката уапсена

Во куќа во Лос Анџелес во текот на викендот најдени се три мртви деца, а полицијата ја уапси нивната мајка и тинејџер.

Полицијата во неделата наутро реагирала на дојава за насилство во станбен објект во долината Сан Фернандо. Кога влегле во куќата, пронашле три деца кои не покажувале знаци на живот. Болничарите набрзо стигнале и ги прогласиле децата за мртви.

Полицијата наведе дека децата, две момчиња и девојче, биле на возраст од осум до 12 години и дека приведена е нивната мајка Анџела Флорес (38), како и 16-годишен тинејџер. Не е објавен идентитетот на тинејџерот како ни неговиот однос со семејството. Си-би-ес наведува дека се работи за братот на убиените деца.

„Каде е мојата Библија?“

„Флорес призна дека ги убила своите деца“, стои во соопштението на полицијата, пишува А-бе-це њус.

Засега не е познато на кој начин се убиени децата, а полицијата единствено навела дека мајката е уапсена поради поврзаност со убиството на трите деца, а тинејџерот за убиство на едно од децата.

Присила Каналес, која живее во близина на куќата во која се случиле убиствата вели дека во саботата вечерта слушнала како од таму вика жена. Додала дека мајката, кога болничарите во неделата ја ставиле на носила и ја изнеле таа прашала: „каде е мојата Библија?“