Во Крушево прв Меѓународен турнир во фудбал во чест на Тоше Проески


На 28 мај во Крушево ќе се одржи Меѓународен турнир во фудбал во чест на Тоше Проески.

Настанот во чест на Тоше ќе трае 3 дена, односно ќе започне во петок на 27-ми мај кога се очекува да пристигне градоначалникот на Нова Градишка заедно со фудбалска екипа, а на турнирот ќе учествуваат екипи од Крушево и Скопје.

„За прв пат во Крушево ќе се одржи овој настан кој започна пред 12 години. Заедно со Нова Градишка и здружението Мандра ќе организираме меморијален турнир и посета на Крушево. Ова е уште еден настан со кој се одбележуваат ликот и делот на нашиот сограѓанин и музичка ѕвезда Тоше Проески“, изјави градоначалникот на општина Крушево Томе Христоски по средбата со претставници од здружението Мандра.