Во Италија се судрија два воза, најмалку 17 повредени
Во судир на два воза во Италија полесно се повредени 17 лица. Возовите се судриле со мала брзина и не излетале од шините, при што е причинета материјална штета на предниот дел на возовите.
Најмалку 17 лица се повредени во судир на два воза на италијанската пруга Болоња-Римини во областа Фаенца меѓу Кастелболоњезе и Форли.
Според првичните информации нема потешко повредени. Сообраќајот во таа делница е запрен, а се судриле регионален воз и Freccia Rossa, пишува италијанскиот Corriere di Bologna.
Scontro fra treni tra Faenza e Forlì, 17 feriti: (Adnkronos) – L’urto è avvenuto tra un Frecciarossa e un regionale, circolazione ferroviaria sospesa in quel tratto https://t.co/oCEzcjBMH3 pic.twitter.com/5450eoQXbt
— Fisco24 (@fisco24_info) December 10, 2023
Сообраќајната несреќа се случила во неделата околу 20:20 часот, а возовите се судриле со мала брзина. Засега не е позната причината за судирот, на местото на несреќата интервенирале амбулантни возила и пожарникари.
Според фотографиите од местото на настанот, возовите не излетале од шините, оштетени им се предните делови.
Scontro treni Faenza, la dinamica: tamponamento fra Frecciarossa e regionale (e la velocità era ridotta) https://t.co/S4f3MOnyjN
— Il Messaggero (@ilmessaggeroit) December 10, 2023
„За среќа повредените се добро и никој не претрпел сериозни последици. Ударот бил релативно слаб“, коментира градоначалникот на Фаенца, Масимо Исола.
Едно лице е пренесено во болница, додека на останатите 16 им била укажана лекарска помош на местото на настанот. Машиновозачите не се повредени.
Во тек е истрага, по што треба да се знаат повеќе детали.