Во Италија, поради затоплувањето на морето, планираат да одгледуваат бисери

Во италијански води наскоро би можеле да се одгледуваат бисери, за прв пат, бидејќи одгледувачите на школки се обидуваат да ја искористат неочекуваната можност што се појави со затоплувањето на Медитеранот.

На крајот на 2023 година, првите примероци на бисерната школка (Pinctade radiate), припитомени во Црвеното Море, беа забележани во Заливот на поетите, популарна туристичка дестинација на стотина километри од Џенова, во северозападна Италија.

Помалку од една година подоцна тие се шират во некогаш најстудените делови на Медитеранот, претходно поврзани со други видови школки за храна, а не за производство на бисери.

Индустријата за бисери заработува 11 милијарди долари годишно, а италијанските одгледувачи на школки сега сакаат парче од колачот. Увозникот на бисери, Адријано Гениси, смета дека, доколку сè оди според планот, производството би можело да започне за една година.

„Ја проверуваме можноста за производство на одгледување бисер овде“, рече Паоло Варела, шеф на задруга за школки што работи таму од 2011 година.

Таа организација веќе стапи во контакт со производителите на бисери во Мексико за да ги советува за производство на бисери, рече Варела.

„Pinctada radiati се забележани околу Сицилија од 1970-тите, но само во изминатата деценија тие се преселија на север“, кон постуденото Тиренско и Лигурско море, објаснува професорот по екологија Салваторе Џакобе од Универзитетот во Месина.

Тој е последен во низата инвазивни видови кои пристигнале во сè потоплиот Медитеран поради климатските промени.

Мануела Фалаутано од италијанскиот институт за заштита на животната средина ISPRA рече дека трендот бележи „експоненцијален раст“ во последните десет години.

Некои од овие нови видови се агресивни и ги загрозуваат локалните екосистеми, а во неколку случаи се и опасни за луѓето.

Околу 2,5 милиони квадратни километри од Медитеранот се загреваат побрзо од остатокот од морето, предупредува Фалаутано.