Во Италија најмалку новозаразени во последните шест седмици
Во Италија според најновите податоци во последните 24 часа има 1.739 новозаразени со корона вирус што е за 25 отсто помалку во однос на ден порано кога имаше 2.324 нови случаи.
Податокот за новозаразени е охрабруваќки со оглед на тоа што претставува најмалку заразени во еден ден во последните шест седмици, поточно од 11 март кога беше забележан пораст на нови случаи.
Според податоците на Цивилната заштита на Италија, во последните 24 часа има 333 починати, а оздравеле 1.696.
Италија до сега регистрира 199.414 заразени од корона вирус, а од ковид-19 починаа 26.977 луѓе, додека 66.624 оздравеа.