Во Хрватска пуштен во употреба најскапиот државен пат: Речиси целиот е во воздух или под земја
Станува збор за три километри долга делница чија изградба чини 21,8 милиони евра по километар (со вклучен ДДВ)
Во Хрватска свечено беше пуштен во употреба државниот пат DC403 од клучката Шкуриње до пристаништето Риека, најскапиот и еден од најпребирливите патишта во земјата.
Станува збор за три километри долга делница од државниот пат, од западниот дел на пристаништето Риека до обиколницата на Риека чија изградба чини 21,8 милиони евра по километар (со вклучен ДДВ).
Најголемиот дел, односно 85 отсто од трошоците се обезбедени од Европскиот фонд за регионален развој, а остатокот од државниот буџет. На трасата која минува низ изграденото градско подрачје има повеќе комплексни градби, меѓу кои позначајни се тунелот Подмурвице (1.253 метри) и вијадуктите Пиопи (316 метри) и Млака (144 метри). Изградени се голем број на многу тешки патни конструкции, при што речиси целиот пат, долг ни три километри, поминува низ засеци, тунели, железнички подвозници или вијадукти, па практично е целосно под земја или во воздух, пишува Дневник.хр.
Градоначалникот на Риека, Марко Филиповиќ, на отворањето на патот рече дека поради неговата важност треба да се вика Медитерански пат.
Премиерот Андреј Пленковиќ во својот говор истакна дека станува збор за импресивен градежен зафат и им се заблагодари на сите кои учествуваа во изградбата, како и на граѓаните на Риека, особено на оние кои живеат покрај патот и кои трпеливо ја следеа неговата изградба. Тој колоквијално се согласил дека патот може да се вика Медитерански пат.
Cesta #D403 danas se pušta u promet #rijeka pic.twitter.com/XgqbMmdFd8
— Grad Rijeka (@gradrijeka) October 18, 2023