Во Хрватска потврдени првите три случаи со британскиот сој, меѓу нив 3,5 годишно дете

Во Хрватска денеска беа потврдени рпвите три случаи со новиот британски сој од корона вирусот, потврди министерот за здравство Вили Берош, за Индекс.

Од Министерството за здравство соопштија дека примероците се секвенционирани во Клиниката за инфективни болести.

Мутациите се најдени во примероците на 50-годишен маж и дете на возраст од 3,5 години од Загреб и кај маж на возраст од 34 години од друга жупанија.

За тоа се известени епидемиолозите од Хрватскиот завод за јавно здравство кое од каде ќе соберат дополнителни епидемиолошки податоци за заболените и нивните контакти кои се наоѓаат во изолација.