Во Хрватска од Ковид-19 починаа уште 71 пациент

Во последните 24 часа регистрирани се 1.595 нови случаи на инфекција со вирусот САРС-КоВ-2, а бројот на активни случаи во Хрватска е вкупно 15.115. Меѓу нив, 2.895 пациенти се во болница, од кои 294 се на апарати за дишење, а починаа 71 лице.

Од 25 февруари 2020 година, кога беше регистриран првиот случај на инфекција во Хрватска, вкупно се евидентирани 197.323 лица заразени од новиот коронавирус, од кои 3.328 починаа, а вкупно 178.880 закрепнаа, од кои 2.514 во последните 24 часа.

Во моментот има 48.166 лица во самоизолација.

До денес се тестирани вкупно 964.313 лица, од кои 9.088 во последните 24 часа.

Од утре е во сила забраната за патување во други жупании од местото на живеење или престој. Оние што сè уште сакаат да патуваат, мора да имаат пропусница.