Во Хрватска од денеска цените во куни и во евра
На помалку од четири месеци пред влезот на Хрватска во еврозоната, од денеска стапува во сила законската обврска за прикажување на цените во куни и евра, како мерка за заштита на потрошувачите во процесот на воведување на новата валута.
Од денеска до 31 декември 2023 година деловните субјекти и другите обврзници во односите со потрошувачите мора јасно да ја наведат цената и другите парични вредности и во евра и во куни.
Обврската е цените на стоките и услугите мора да бидат јасно видливи, лесни за читање, разбирливи, изразени на таков начин што нема да го доведуваат во заблуда потрошувачот и потрошувачот да може точно да разбере на кои стоки или услуги се однесува цената и може да провери дали цените се правилно пресметани.
Исто така, фиксниот курс треба да биде истакнат на видно место во продажниот простор.
Двојното декларирање на цените компаниите ќе треба да го применат на ценовниците и промотивните материјали што ги објавуваат и на интернет и во медиумите.
Советот на Европската унија на 12 јули годинава донесе одлука за усвојување на еврото во Хрватска на 1 јануари 2023 година, откако утврди дека Хрватска ги исполнува сите потребни услови за воведување на еврото како официјална валута.
Советот на ЕУ утврди дека курсот е 7,53450 куни за едно евро.