Во Хрватска 85 починати и 3.918 новозаразени

Хрватска– Во Хрватска во последните 24 часа се пријавени 85 смртни случаи, што е повторно најмногу досега и 3.918 новозарзени лица со коронавирусот.

Бројот на активни случаи на заразени е 22.445, соопшти Националниот штаб.

Меѓу нив, 2.943 пациенти се во болница, од кои 287 се на апарати за дишење.

Од февруари годинава, во Хрватска се евидентирани вкупно 186.963 лица заразени со новиот вирус, од кои 2.955 починале.

Вкупно излекувани се 161.563 луѓе, од кои 3.790 во последните 24 часа.

Во моментов има 55.777 лица во самоизолација. До денеска се тестирани вкупно 920.509 лица, од кои 12.294 во последните 24 часа.