Во Франција горат 900 тони литиумски батерии (видео)
Околу 900 тони литиумски батерии горат во фабрика за рециклирање батерии во јужна Франција, создавајќи облак од густ црн чад, соопштија денеска француските власти.
Пожарот избувна вчера во магацин во сопственост на француската група за рециклирање СНАМ во Вивиез, северно од Тулуз, објави локалниот советник Паскал Мазе на платформата Х.
Incendie Viviez stockage de batterie.Soutiens aux SDIS de l'Aveyron, aux forces de l'ordre et aux personnels de la SNAM qui sont venus spontanément très nombreux.Tous seront sur place toute la nuit. Courage !
900 T de batteries, 3000m2
Pascal MAZET Conseiller régional @Occitanie pic.twitter.com/LYgijgLbB0— Pascal MAZET (@PascalMazet) February 17, 2024
Весникот „Монд“ објави дека околу 70 пожарникари се борат да го стават пожарот под контрола. Локалниот функционер Чарлс Џусти изјави за телевизијата БФМ дека нема опасност за луѓето што живеат во близина.
Потенцијална опасност од токсични материи
Литиумските батерии се од витално значење за електричните уреди од телефоните до електричните автомобили, но тие содржат запаливи материјали кои, во комбинација со енергијата што ја складираат, може да ги направат подложни на палење кога се изложени на топлина. Согорувањето на литиумските батерии е потенцијална опасност поради ослободување на токсични материи.
900 tonnes de batteries au lithium sont en train de se consumer, dimanche 18 février, dans un entrepôt de stockage en feu depuis la veille, à Viviez (Aveyron). Les premières analyses de l'air semblent écarter toute pollution chimique.#JT13H pic.twitter.com/pA640fBr15
— Info France 2 (@infofrance2) February 18, 2024
Во издаденото безбедносно известување се предупредува дека во случај на голем пожар производите во фабриката најверојатно би испуштале кадмиум. Кадмиумот е многу отровен и опасен за животната средина, но се наведува дека отровните испарувања не треба да претставуваат непосредна опасност по здравјето на жителите.
Во јануари минатата година, голем пожар избувна во магацин во Нормандија, каде се складирани автомобилски компоненти и илјадници литиумски батерии, а пожарот беше ставен под контрола без жртви. Пожарникарите соопштија дека нема знаци на опасно загадување на воздухот.