Во дом за стари лица во Канада 31 починат, персоналот избегал

Франсоа Лего, премиер на најголемата провинција во Канада, се обрати пред јавноста и објави дека 31 жител на дом за стари лица со медицинска нега починале во Монтреал откако се појавил во него новиот коронавирус.

Голем дел од персоналот на тој дом – едноставно  избегал. Потврдено е дека петмина жители на домот биле заразени со Ковид-19, а останатите починале како резултат на невнимание, затоа што не добивале лекови за сериозни хронични заболувања од кои страдале.

Трагедијата не можела да се предвиди ниту на 26 март, кога еден пациент од тој дом бил упатен како сомнителен за корона во Еврејска општа болница, каде му бил дијагностициран Ковид-19, и починал кусо време потоа. Три дена подоцна друг станар починал во тој дом.

Веднаш потоа, здравствената инспекција влегла во домот и ги нашла неговите штитеници оставени сами, без храна или лекови, јавија локалните медиуми. Инспекцијата утврдила дека во меѓувреме, голем дел од персоналот едноставно престанал да се пријавува на работа заради наводниот страв од коронавирусот, и без да ги известат надлежните здравствени органи за тоа што се случувало. Владата на Монтреал, според премиерот Лего, била известена вчера дека починале 31 штитеник на домот. Покрената е кривична истрага.

„Сосема искрено, мислам дека имаше сериозна небрежност во Резиденс Херон“, рече видно потресен Легo.

Веста се појави откако домовите за нега на стари лица беа во центарот на вниманието поради вознемирувачките извештаи од Онтарио и Квебек.

Премиерот Џастин Трудо, во емотивен говор во Долниот дом, во саботата, истакна во  кризата се најзагрозени старите лица, од кои многу некои живеат во домови за долготрајна нега. Тој рече дека последните членови на „најславната генерација“ кои живееле во времето на Големата депресија и Втората светска војна, сега се постари лица со најголем ризик да умрат од КОВИД-19.

До вчера повеќе од 23,000 Канаѓани беа позитивни на КOВИД-19. Вкупниот број на смртни случаи сега е над 650.