Во Чад се судриле копачи на злато – 100 мртви

Во борбите меѓу неформалните рудари за злато во оддалечен дел од северен Чад загинаа околу 100 луѓе, а 40 се повредени, соопшти владата.

Она што започна како „земјен спор меѓу две лица… дегенерираше“, изјави министерот за одбрана Дауд Јаја Брахим за новинската агенција АФП.

Планинската област Кури Бугуди во близина на либиската граница привлекува рудари од целиот Чад и неговите соседи.

Судирите се случија минатата недела, но деталите се појавуваат дури сега.

Некои групи сметаат дека бројот на загинати е поголем од властите и ги обвинија безбедносните сили за голем број од смртните случаи.

Владата испрати мисија во погодената област – околу 1.000 километри североисточно од главниот град, Нџамена – кога за прв пат се појавија вести за насилство.

Голем воен контингент го врати спокојството во областа, изјави генералот Брахим, цитиран од АФП. Тој додаде дека судирите биле меѓу луѓе од Мавританија и Либија.

Но, минатата недела, Махамат Нур Ибеду, шефот на Националната комисија за човекови права во Чад, рече дека војниците кои биле испратени да интервенираат „пукале врз луѓето“, го цитира АФП.

Тој, и еден опозициски лидер, соопштија дека бројот на загинати е 200, но властите го негираат тоа и велат дека тие не се одговорни, пренесува АФП.

Сите активности за ископување злато во Кури Бугуди сега се суспендирани.