Во Бразил за 24 часа нови над 48.000 заразени и 1.252 умрени од Ковид-19

Бразил– Продолжува да расте бројот на лица кои се заразени со коронавирус во Бразил, а во последните 24 часа се регистрирани 48.105 нови случаи, со што вкупниот број на заразени сега изнесува 1.496.858 лица.

Во последното деноноќие од болеста умреле 1.252 лица, така што вкупниот број на жртви достигна речиси 62.000, соопшти Министерството за здравство, пренесуваат британските медиуми.

Бразил се наоѓа на второто место, по САД, според бројот на заболени и на смртни случаи од оваа страшна болест.