Во Албанија над 18 отсто од тестираните се позитивни на Ковид-19

Продолжува високата бројка на новозаразени со Ковид-19 во Албанија, која во овој месец во контнитет е од 18 до 20 отсто од тестираните сомнителни случаи.
Во изминатото деноноќие од направените 943 тестови, новиот коронавирус е дијагностициран кај 168. Во исто време починале четири додека оздравеле 94 лица.

Со последните дијагностицираните вкупниот број изнесува 15.399 заразени, битката со опаснот вирус ја добиле 9.500, а починале 420 пацинети.

– Расте бројот и на заболените на кои им е потребно болничко лекување. Во моментот 246 се хоспитализирани во двете ковид болници. Поради постојаниот раст подготвени се уште четири болници, а во случај на потреба во уште неколку регионални болници ќе бидат отвоени ковид центри, информираше Министертвото за здравство и социјална заштита.

Поради влошената епидемиолошка состојба, вчера премиерот Еди Рама најави задолжително носење заштитна маска и на отворено од 15 октомври.

Познати лекари од оваа област и понатаму сметаат дека се прават мал број тестови. Според нив дневно треба да се прават од 2.000 до 2.500 тестови за да се отслика реалната епидемиолошка состојба со Ковид-19.