Во Албанија инфлацијата во третиот квартал годинава осум отсто, највисока од 1998 година

Гувернерот на Централна банка на Албанија, Гент Сејко, изјави дека земјата не ја заобиколиле финансиски кризи, додавајќи дека монетарниот стимул е клучен за кризата и дека тоа не се претворило во многу повисока инфлација, јави дописничката на МИА од Тирана.

– Немавме недостиг на финансиски кризи. Консолидацијата на економската и доброволната стабилност ја поттикна глобализацијата на пазарите на производи. Исто така, кристализацијата на економскиот и политичкиот консензус, растот на нивната институционална независност понуди доверлив механизам, рече Сејко.

Гувернерот посочи дека во третиот квартал од 2022 година, инфлацијата достигна стапка од осум отсто што е највисоко ниво од 1998 година.

– Инфлацијата бележи брз раст во текот на 2022 година, достигнувајќи осум отсто во третиот квартал, највисоко ниво забележано од 1998 година. Иако инфлацијата во Албанија се чини ниска, и во регионален и во европски контекст, што ги одразува силните и стабилни перформанси на девизниот курс и регулираната цена на електрична енергија за домаќинствата, нејзината основа расте. Повеќето продукти од потрошувачката кошница покажуваат стапка на инфлација над нашата цел од три отсто, нагласи тој.

Исто така, според него, артиклите од потрошувачката кошничка, со висока или растечка стапка на инфлација, веќе не се само стоки и услуги од увозно потекло, туку и од домашно производство.