Во Албанија бројот на заразени со коронавирус се зголеми на 55 лица

Со потврдените четири нови случаи со корона вирус, во Албанија бројот на заразени со овој опасен вирус се зголеми на 55 лица.

-Во последните 24 часа, тестирани се 42 сомнителни лица, меѓу нив и здравствени работници, од кои се потврдени 4 нови случаи на „Ковид -19“. До денес тестирани се 605 сомнителни случаи и потврдени се 55 случаи како позитивни, меѓу нив 8 се здравствени работници, потврдуваат од министерството за здравство.

Тројца од пациентите се на интензивна терапија, еден од нив е на респиратор, додека останатите пациенти, засега се во стабилна состојба.

Најголем број од заразените или 38 лица се од Тирана, 6 од Фиер,5 од Драч(заедно со починатата жена) по две лица од Љушња, Елбасан и Рогожина. Тројца од пациентите се на интензивна терапија, еден од нив е на респиратор, додека останатите пациенти,додаде Ракацели, засега се во стабилна состојба.

Осумте здравствени работници се од болницата „Шефќет Ндроќи“ каде се тестирани 89 лица од персоналот на болницата а се заразени од пациент. Министерството побара од здравствените работници добро да се заштитат за време на давањето услуга.